LABek zazpi greba egun deitu ditu Bizkaiko zaharren egoitzetan. Aldundiari eta patronalei “lan-baldintzak parekatzea eta ratio duinak ezartzea” eskatu die zentroetako 5.000 langileentzat.

Langile bat hil da Iruñean, ogi lantegi batean. 2022ko urriaren 6an gertatu da, LAB sindikatuak jakitera eman duenez.

Espainiako Gobernuak 385,6 milioi euro bideratuko ditu Abiadura Handiko Trenaren lanetara. Inbertsio erreala 559 milioi eurokoa izango da eta horri zeharkako inbertsioa (153,7 milioi) gehitu behar zaio. 510 milioi euro trenbideetarako eta 61 milioi Bilboko eta Pasaiko portuetarako.

SENER konpainiak Alemaniako lehen birgasifikazio instalazioaren eraikuntzan parte hartuko du

Bizkaiak % 10eko beherapenak aplikatuko dizkie urtarriletik aurrera kamioilariei AP-8an eta supersaihesbidean

Espainiako Gobernuak luzatu egin du EAEko eta Nafarroako kupoaren kalkulua

BILBO. Ingeteamek mila milioi euroko fakturazioa lortu nahi du hurrengo urtean, eta 4.200 langiletik 5.000ra igaro. Adolfo Rebollo osagai elektrikoen multinazionaleko zuzendari nagusiak azaldu du plan estrategikoa espero bezala betetzen ari dela, enpresaren 50. urteurrena ospatzeko antolaturiko ekitaldian. Azaldu du 140 milioi euro inbertituko dituztela ikerketa eta garapenean. Inbertsioaren zati handi bat Sarrigurenen (Eguesibar, Nafarroa) eraikiko duen laborategira bideratuko du.

Rebollok elektrifikazioaren defentsa sutsua egin du. «Gaur egun ez da beharrekoa industrian hidrokarburoak erabiltzea, ezta tenperatura beroak lortzeko ere». Era berean, agintariei esan die konpromiso handiagoa izan beharko luketela berriztagarriekin: «Egin nahi dutela esaten da, baina ekintzak ez datoz bat hitzekin».

Ekitaldian, Ingeteamen lau fundatzaileei omenaldia egin diete. Iñigo Urkullu lehendakariak itxi du ekitaldia, eta enpresa «sustraitze eredu» dela goratu du. Ingeteamek euskal gizarteari ekarpena egiten diola nabarmendu du, eta ez bakarrik enplegua sortuz, «baizik eta gizarte erantzukizun korporatiboan inplikatuz». Ingeteamek 25 herrialdetan ditu plantak.

Espainiako Gobernua argiaren prezio arautua kalkulatzeko sistema berri bat prestatzen ari da

OPEP taldeak eta Errusiak petrolio ekoizpena nabarmen murriztu dute, prezioei eusteko. Hain zuzen ere, OPEP+ izeneko taldeak egunean bi milioi upel gutxiago ekoitziko du.

Pandemia aurreko maila 2024an berreskuratuo dela aurreikusi du Espainiako Bankuak. Aurtengo urtearen itxierarako, berriz, lau hamarren (% 4,1etik %4,5era) igo du hazkunde aurreikuspena, batez ere, lehen sehilekoan enpleguak izandako bilakaera onaren ondorioz.