Lan-istripuen kopuruak % 19 egin du gora EAEn uztailera arte: 2020an baino 3.400 gehiago izan dira. Gorakada Euskadiko hiru lurraldeetan jazo da: Araban, % 23,5 hazi da; Bizkaian, % 19,8; eta Gipuzkoan, % 16,4.

Euskaltelek agur esan dio Burtsari, MasMovilek erosteko eskaintza publikoa egin ostean. Operadorea 2015etik izan da Burtsan, 2021eko abuztuaren 17ra arte, eta akzioko 10,94 euroko balioarekin utzi dio kotizatzeari.

ELA, LAB, ESK, Steilas, EHNE eta Hiru sindikatuek elkarretaratzea egingo dute ostiralean, lan-istripuen aurka. Donbostian egingo dute, eguerdian. Sindikatuek, protestan, salatuko dute “azken sei egunetan hiru pertsona hil direla lanean”.

EAEko Udaltzaingoetako lanpostuak betetzeko prozesua ireki dute. Bitartekotasunean izango diren agenteen lan-poltsa sortuko dute; aurreikuspena da Udalek abendutik aurrera izatea eskuragarri poltsa hori.

URRETXU. Makinak harrapatu eta gero, suhiltzaileak joan ziren atzo arratsaldean, Usabiaga enpresara, baina langilea bertan hil zen, Jaurlaritzako Segurtasun Sailak jakinarazi duenez. Urretxuko Mugitegi industriagunean izan zen lan istripu hilgarria, Usabiaga enpresan. Enpresa horretako langile bat Fenwich batek harrapatu zuen beharrean ari zela. Larrialdietara deitu ondoren, suhiltzaileak eta anbulatziak bertaratu ziren, baina behargina hil egin zen fabrikan bertan. Herenegun, berriz, Construcciones Moyua enpresarentzat Ormaiztegin (Gipuzkoa) lan egiten zuen 54 urteko gizon bat hil zen. Lan istripuen zerrenda azkar luzatzen ari da aste honetan, dagoeneko hiru baitira azken egunetan hildako beharginak lanean. Beste biak istripu ez traumatikoetan zendu dira, azkena herenegun, Ormaiztegin.

Euskaltelek agur esan dio Burtsari, MasMovilen Erosteko Eskaintza Publikoagatik. Operadorea 2015etik izan da Burtsan kotizatzen. Bere tituluek, astearte honetako itxieran, akzioko 10,94 euroko balioztapena zuten.

Behargin bat hil da Urretxun izandako lan-istripu batean. Ezbeharra Mugitegi industria-guneko enpresa batean gertatu da. Orga jasotzaile batek azpian harrapatu du langilea.

Eraikuntzako langile bat hil da Ormaiztegin 2021eko abuztuaren 16an, ELA sindikatuak gaur jakinarazi duenez. 54 urteko gizonezkoa hilotz topatu zuten atzo bere autotik gertu, lanaldia amaitu ostean.

300 pertsona inguru hil dira lan-istripuetan azken hamarkadan Euskadin. Laneko arriskuen prebentziorako neurriek gora egin duten arren, azken hamarkadan ez da nabaritu istripu-tasa jaitsi denik.

IRUÑEA. Afapna Nafarroako langile publikoen sindikatuaren arabera, Iruñeko Lan Arloko 4 zenbakiko Epaitegiak Nafarroako Administrazioa behartu du behin-behinean postu berean hiru urte zeraman langile bati lan kontratu mugagabea egitera, eta, hortaz, finko mugagabe gisa izendatzera. Sindikatuak azpimarratu duenez, orain arte, beste epai batzuek behin-behinekotasun epe ezberdinak ezartzen zituzten horretarako; kasu batzuetan, hamar urterainokoak. Afapnak uste du epaia «mugarria» dela, eta Nafarroako Gobernuari eskatu dio lan eskaintza publikoko deialdi guztiak eteteko, gutxienez Espainiako Gobernuak hasi duen lege erreforma amaitu arte.